Сямейная пара набыла электрасамакат у інтэрнэт-краме па дамове арэнды маёмасці з наступным выкупам. Самакат быў дастаўлены 23 лютага, аднак у той жа дзень муж і жонка трапілі ў ДТЗ і загінулі. Сваякі пасля трагедыі задалі пытанне: ці можна вярнуць самакат прадаўцу, бо ў ім няма неабходнасці? Па юрыдычнае тлумачэнне яны звярнуліся ў супольнасць «Абарона правоў спажыўцоў у Рэспубліцы Беларусь». Юрыст Іван Райкевіч растлумачыў, што, на жаль, падставаў для вяртання тавару і сродкаў няма.
«На жаль, няма падставаў для вяртання грошай за самакат. Ніякіх. Тым больш калі аформленая дамова арэнды. Фактычна маёмасць так і засталася ва ўласнасці арандадаўца. Таму разлічваць на вяртанне грошай ад арандадаўца ў выглядзе ўжо выкананых плацяжоў арэнды не варта», — адзначыў спецыяліст.
Па сутнасці, паколькі самакат не быў канчаткова выкуплены, яго ўласнікам працягвае заставацца арандадаўца. Аднак пункты дамовы могуць прадугледжваць дадатковыя нюансы, уключаючы магчымае страхаванне на выпадак гібелі арандатара. Для ўдакладнення дэталяў сваякам рэкамендуецца звярнуцца да прадаўца ці ў юрыдычную кансультацыю.